Humboldt Redwoods Park - Yosemite National Park

March 24, 2010 - Ridgecrest, California, United States

Nocheme holprige Flug uf San Francisco hät eus s'Glück mit ere vollä Breitsiite troffä :). Strahlend schöns Wätter hät eus bi dä Öbernahm vo eusem nagelneue Mietauto (mit super cheap Konditione) begleitet. Mit viel Schwung sind mer uf vier Räder öber d'Golden Gate Bridge is Abentür Amerika düüsed.

Als erschtes häts eus a d'Nordköschte vo Kalifornie in Humboldt Redwoods State Park verschlage, Heimat vo dä höchschte (>100m) Bäum vo dä Wält. D'Redwoods (Küste-Mammutbäum) wachset hötzotags nor no entlag vo dä kalifornische Köste und imene Teil vo China. Mitem Auto und z'Fuess händ mer eus in Wald gwoget (Heimat vo Bäre und Pumas) und send vo dä Natur beidruckt gsi.

Äs ähnlichs Bild, aber no ä Spur imposanter, hät sech eus uf em nächschte Abschnitt vo eusere USA-Reis präsentiert. Dä Yosemite Nationalpark esch äs Naturspektakel. I dä Sierra Nevada gläge bütet dä Park uf öber 3'000 km2 (doppelti Flächi vom Kanton Aargau) Natur pur. Uf drü Täg verteilt händ mer eus folgendi Gebiet aglueget: Hetch Hetchy Valley (Stausee), Yosemite Valley, Mariposa Grove (mit Giant Sequoias bzw. Riese-Mammutbäum). Riesigi Grantiformatione, tosendi Wasserfäll und ä vielfältigi Tier- und Pflanzewält händ eus zum Wandere igladet. Wies eus gfallle hät? Benzinkoste... 15 Dollar, Parkgebühren... 20 Dollar, Sandwichs 8 Dollar, sech im Schatte vomene Mammutbaum zemli chli vorcho... unbezahlbar! :D

Wohi gohts als nächschts? An tüüfschte und heissischti Ort vo Nordamerika - is Death Valley. Tönt iiladend, oder ;)?

Entspannti Grüess
Mejo


Pictures

Golden Gate Bridge
Letz fetz:)
Drive Thru, aber nicht McDonalds ;)
... und das im prüden USA! ;)
 
 
Fuzzy Travel · Next »
Create blog · Login