Death Valley - Las Vegas

March 28, 2010 - Las Vegas, Nevada, United States

Death Valley - Tal des Todes, was för en passende Name. Mit Rekordtemperature vo öber 60 Grad, sinere Lag underem Meeresspiegel und umgäh vo Bärge ghörts zu dä trochnigschte Ort uf dä Wält (durchschnittlichi Rägemängi ca. 5 cm pro JOHR). Trotz däne Widrigkeite händ mer s'Death Valley uf sini eignig Art sehr iidröcklich und schön gfundä. Verschidnigschti Landschafte wächslet sech ab. Uf eusere 2-tägige Tour dorchs Death Valley händ mer Sanddüne, en Salzsee, bizarri Salzkristallformatione, en Oase, Canyons und Wildblueme atroffe. Das alles werd umrahmt vo Bärge wo bis öber 3000 Meter höch send und teilwiis sogar schneebedeckt send. En onwörklichi ond trotzdem sehr reali Aglägeheit ;).

Met em nächschte Stop händ mer en Pause zwöschet eusne Nationalpärk-Bsüech igleiht. Und was för eine! Mejo in Las Vegas :D. Las Vegas... hmm... eifach andersch, crazy! In Sin City drüllt sich alles um Gäld, Sex, Alkohol und Fun. Es Dräcksloch met Charme, en Liechtfläck zmitzt i dä Wüesti, es Mekka för Partysöchtigi ond Wannabe-Millionäre. Euses Fazit: Do it right or leave it fast, but dont forget to take pictures ;)!

Morn fahret mer uf Hurricane, hoffentli esch dä Name nöd Programm :(.

Lovely Greetings,
Mejo

 


Pictures

Super Cheap Car
Exciting
Hike zum Darwin Fall
Feuerwehrauto ausser Betrieb ;)
 
 
Fuzzy Travel · Next »
Create blog · Login