Grand Canyon - Route 66 - San Diego

April 10, 2010 - Los Angeles, California, United States

G-Day Switzerland

Scho weder esch ä Woche verbi - leider vel z'schnell :(. Vor allem wänn mer bedänkt, was mer scho weder alles händ döfe gseh.

Dä Grand Canyon esch eis vo eusne plante Highlights gsi uf dä Reis. Eini vo dä tüfschte Schluchte vo dä Wälte (1.5 km tüüf) und es Farbespiel wo sech gseh loht. Leider hät dä Colorado River bi eusem Bsuech chli vel Dräck metfüehrt, sodass er nöd blau, sondern brun gsi esch. Wer grossi Mänschemasse wot vermide, muess entweder i d'Schlucht abewandere (Vorussetzig: sehr sehr fit und 2 täg ziit) oder sech gar nöd zum Grand Canyon verirre ;). Eus häts trotzdem gfalle.

Die nächschte 2 Täg send mer uf dä Route 66 vo Arizona zrogg uf Kalifornie gfahre. D'Stross goht teilwiis 100 km eifach nor dorch d'Wüesti, ohni nännenswerti Asiedlig oder ähnlichs. Ohni en volle Tank und gnueg z'Trinke söt mer sech nöd uf dä Wäg mache :P.

Z'San Diego häts för eus zwoi Usflüg gäh. 1. Sea World: sehr sehr schön und guet gmacht. För Gross und chli ;). 2. San Diego Downtown und La Jolla: beides hät sin Charme, aber euse Favorit isch eidütig La Jolla gsi.

Höt send mer uf dä Route 1 dä Köschte entlang dorch Orange County gfahre. Orange County esch vellecht nöd allne en Begriff, aber OC Californie vellecht eher ;). Ä schöni und chici Gägend, met vel Verkehr. Jetz warted mer in Los Angeles uf d'Akunft vom Roman (Bruder von Franziska)... und dänn reised mer för die letschte 2 Woche z'dritte im Züügs ume... mol öpis anders ;).

Greetings from sunny LA,
Mejo zu 2.


Pictures

Social Club à la Arizona
Route 66
Bänkli im Nirgendwo
Und wir dachten unser Auto sei dreckig...
 
 

2 Comments

eric:
April 12, 2010
Hallo
Verfolge mit spannung euren trip durch south-west america.
Ihr habt tolle fotos gemacht !!!
Habt ihr gerne roller-coaster?
- Dann: don't miss magic-mountain "six-flags" in L.A.
Genug Zeit einplanen für S.F.

a schöni zit grus eric
April 14, 2010
Hoi Eric

Danke für deinen Eintrag und das Kompliment :). Haben dank deines Eintrages heute spontan unser Programm angepasst und den ganzen Tag im Magic Mountain verbracht... Autsch, solche Achterbahnen haben wir noch nie erlebt!

Grüsse in die Schweiz und an deine Familie
Mejo
Fuzzy Travel · Next »
Create blog · Login